Strumicë, 9 mars - Një djalë njëmbëdhjetë vjeçar të hënën rreth mesditës është përdhunuar nga një adoleshent katërmbëdhjetë vjeçar, bën me dije policia. Ngjarja e rëndë ka ndodhur në qytetin e Strumicës, ku adoleshenti me iniciale D.A., duke përdorur forcë e ka përdhunuar fëmijën me iniciale A.Xh. Raporti policor njofton se fëmija është përdhunuar në parkingun nëntokësor të qendrës tregtare "Global" në qytetin e Strumicës, diku rreth orës dymbëdhjetë. Fëmija njëmbëdhjetë vjeçar dhe një shok i tij, rreth mesditës së hënë janë shëtitur në afërsi të qendrës tregtare. Pikërisht atëherë janë takuar me adoleshentin, i cili duke qenë më i zhvilluar në trup, i ka kapur për duar dhe duke i tërhequr i ka çuar në parkingun nëntokësor. Atje duke i kërcënuar i ka detyruar të zhvishen, mirëpo njëri prej fëmijëve e ka shfrytëzuar pakujdesinë dhe me vrap ka arritur të largohet. Pas kësaj, 14-vjeçari fëmijës tjetër ia ka hequr pantallonat dhe duke ia mbajtur duart, e ka përdhunuar. "Nëpërmjet hetimeve të deritanishme është konstatuar se dy fëmijët rreth mesditës së hënë kanë ecur afër qendrës tregtare Global dhe pikërisht atëherë janë takuar nga D.A. Ai duke i kapur për duar ka arritur t'i çoj fëmijët në parkingun që gjendet në bodrumin e qendrës tregtare, me qëllim që me to t'i kënaqte epshet seksuale. Pak çaste para abuzimit njeri prej fëmijëve ka arritur të largohet me vrap nga parkingu, mirëpo tjetri nuk ka mundur të shpëtoj nga dhuna e 14-vjeçarit, i cili duke e mbajtur për duar, e ka zhveshur dhe e ka përdhunuar", thonë në polici. Pas kënaqjes së epsheve seksuale, 14-vjeçari e ka lënë të lirë fëmijën 11-vjeç, i cili ka shkuar në shtëpi dhe para prindërve ka rrëfyer rastin. Disa orë pas abuzimit, rasti është denoncuar në polici, ekipet e të cilës i kanë nisur hetimet. Në prani të prindërve të fëmijës së abuzuar, ekipet e policisë e kanë marrë atë në pyetje, por edhe abuzuesin. Nga policia kanë informuar se pas dokumentimit të rastit, kundër 14-vjeçarit do merren masa adekuate ndëshkuese, ndërsa i njëjti nuk është mundur të arrestohet për shkak të moshës. (I.I.)